Putin 2024-cü ilə qədər yaşamayacaq - Eks-deputat
Ukraynada hərbi məğlubiyyətdən sonra Vladimir Putin rejimi süqut edəcək.
Redaktor.az UNİAN-a istinadla xəbər verir ki, bunu Rusiyalı müxalif siyasətçi, Rusiya Federasiyası Dövlət Dumasının keçmiş deputatı İlya Ponomarev bildirib.
"Putinə yalnız qələbə lazımdır. Daha doğrusu, o, nəyi qələbə kimi elan edə bilər. Əgər Putinin özünü təmin edə biləcəyi müəyyən ərazilər geri alınarsa, bu, onun üçün mütləq qələbədir", - Ponomarev Espresso telekanalına deyib.
O, Putinin hazırda əsas problemini açıqlayıb - bu, özünü Rusiya Federasiyasının əhalisinə qalib kimi göstərə bilməməsidir.
"Putinin son aylarda gördüyü işlər getdikcə bir növ intihara bənzəyir. Çünki o, Rusiya əhalisinə Ukrayna ərazilərinin ilhaqını elan etdi və indi getməsi onun üçün fəlakət olacaq. Bu, onun ruslar üçün məğlubiyyəti olacaq və Putin onların lideri olmayacaq. Ona görə də onun 2024-cü ilə qədər yaşamayacağı ilə bağlı proqnozum tamamilə realdır”, - Ponomarev əlavə edib.
Xatırladaq ki, bir müddət əvvəl Ponomarev Rusiya Federasiyası Prezident Administrasiyası rəhbərinin birinci müavini Sergey Kiriyenkonu Putinin gedişindən sonra Rusiya prezidentliyinə əsas namizəd adlandırmışdı.
Turan İSMAYIL
Bizi Telegram-da izləyin...
