Moskva Parisə xəbərdarlıq etdi - "Mane ola bilməyəcəksiz"
Rusiya Federasiyası Fransa hakimiyyətinin Ukraynaya ağır zirehli maşınlar tədarük etmək planlarını tələsik və eskalasiyanın daha da artmasına kömək edən məsuliyyətsiz addım kimi qiymətləndirir.
Redaktor.az TASS-a istinadla xəbər verir ki, bunu cümə axşamı keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova deyib.
"Biz bunu Fransa hakimiyyətinin Ukrayna böhranı kontekstində düşünülməmiş və məsuliyyətsiz addımları kimi qiymətləndiririk. Ukraynaya yeni hərbi təchizatla bağlı qərar daha da gərginləşməyə və nəticədə fransız silahlarının artıq işlədiyi Rusiyanın yeni bölgələrinin mülki əhalisi arasında münaqişənin yeni qurbanlarına səbəb olan növbəti jestdir”, - o, bildirib.
Rusiya Xarici İşlər Nazirliyinin rəsmi nümayəndəsinin sözlərinə görə, Parisin Ukraynanı “düşünmədən silahla doldurmaq” kursu onun bəyanatlarının “qeyri-qanuni və ikitərəfli olduğunu” ortaya qoyub.
"Parisin düşünmədən Ukraynanı silahla doldurmaq siyasəti münaqişənin eskalasiyasından qaçmaq istəyi, Rusiya ilə dialoqun davam etdirilməsi zərurəti və Moskvanın təhlükəsizlik zəmanəti tələblərinin ciddiliyi barədə bəyanatların rüsvayçılıq və ikitərəfliliyini ifşa etdi", - XİN sözçüsü bildirib. .
Zaxarova həmçinin vurğulayıb ki, Qərbin zərbə silahlarının Ukraynaya tədarükü "xüsusi hərbi əməliyyat"ın məqsədlərinə çatmağına mane ola bilməyəcək.
Turan İSMAYIL
Bizi Telegram-da izləyin...
