"Putin poker oynayıb və hər şeyi stavkaya qoyub" - Finlandiya prezidenti
Rusiya prezidenti Vladimir Putin Ukraynaya qarşı müharibədə “hər şeyi xəritəyə qoyub”.
Redaktor.az xəbər verir ki, bunu Finlandiya Prezidenti Sauli Niinistö bildirib.
Finlandiya lideri İsveçin "Dagens Nyheter" qəzetinə müsahibəsində Rusiyanın Ukraynadakı hərbi strategiyasının dəyişdirilməsi ilə bağlı xəbərdarlıq edib. "Bu, sadəcə olaraq əsgərlər arasında müharibə deyil. Bu, Ukrayna cəmiyyətinə, infrastrukturuna və sadə insanlara qarşı müharibədir. Putin poker oynayıb və hər şeyi stavkaya qoyub", - Niinistö deyib.
Finlandiya prezidenti mövcud hərbi vəziyyətin acınacaqlı mənzərəsini təsvir edib. Onun sözlərinə görə, vəziyyət bir il əvvəl təsəvvür ediləndən qat-qat pisdir.
“Əvvəlcə belə görünürdü ki, Putin Ukraynanı hədələməklə kifayətləndiyini düşünməklə sadəcə böyük səhvə yol verib.
Amma baş verən hər şey, xüsusən də son aylar fərqli hekayədən xəbər verir”, - Niinistö bildirib.
Turan İSMAYIL
Bizi Telegram-da izləyin...
