Putin Rusiya ordusunun 1,5 milyon nəfərə çatdırılması qərarını təsdiqlədi

 18:11 17.01.2023     177

Rusiya Federasiyasının Prezidenti Vladimir Putin Silahlı Qüvvələrin sayının 1,5 milyon hərbçiyə çatdırılması barədə qərar qəbul edib.

Redaktor.az UNİAN-a istinadla xəbər verir ki, bu barədə Rusiya Müdafiə Nazirliyi əlumat yayıb.

Qurumun rəhbəri Sergey Şoyqu bildirib ki, Moskva və Leninqrad hərbi dairələri, habelə müvəqqəti işğal olunmuş ərazilərdə özünü təmin edən qoşun qrupları (qüvvələr) yaradılacaq.

Kareliyada bir ordu korpusunun, Quru Qoşunlarının tərkibində üç motoatıcı diviziyasının və Hava-Dəniz Qüvvələrinin iki hava-desant hücum bölməsinin yaradılması planlaşdırılır.

Qərb, Mərkəz, Şərq hərbi dairələrində və Şimal Donanmasında yeddi motoatıcı briqadanın motoatıcı diviziyalarına yenidən təşkil edilməsi və Rusiya Hərbi Dəniz Qüvvələrinin, Rusiya Aerokosmik Qüvvələrinin və strateji raket qüvvələrinin döyüş komponentinin gücləndirilməsi planlaşdırılır.

Rusiya Federasiyası Müdafiə Nazirliyinin məlumatına görə, ordunun sayının artırılması qarşıdakı üç il ərzində - 2023-cü ildən 2026-cı ilə qədər baş verəcək.

Bütün dəyişikliklərin büdcədən ayrılan vəsaitlə və lazım olduğu qədər maliyyələşdirildiyi bildirilir.

Tunar Altunbay