Amerika Avropada yeni dünya müharibəsi istəyir

 09:45 21.01.2023     141

Fransanın “Vətənpərvərlər” partiyasının lideri və Avropa Parlamentinin keçmiş deputatı Florian Filippo ABŞ-ı Avropada dünya müharibəsi açmaq istəməkdə ittiham edib.

Redaktor.az xəbər verir ki, bu barədə o,  Tvitter səhifəsində yazıb:

"Amerikanın təzyiqi ilə Avropa İttifaqı ölkələri Zelenskiyə getdikcə daha da ağır silahlar verirlər. Bu onu göstərir ki, Amerika Avropada yeni dünya müharibəsi istəyir."

“Vətənpərvərlər”in lideri bundan əvvəl də Emmanuel Makronun xarici siyasətini tənqid edib.

Yanvarın 5-də o, Makronu Kiyevə silah göndərməkdən imtina etməyə çağırıb və bildirib ki, belə bir qərar Fransa ordusunu zəiflədir və münaqişəni dayandırmağa kömək etmir.

Tunar Altunbay