Hulusi Akar İsveç və Finlandiyaya çağırış etdi
"Türkiyə NATO-nun açıq qapı siyasətini hər zaman dəstəkləyir”.
Redaktor.az “CNN Türk”ə istinadən xəbər verir ki, bunu Türkiyənin milli müdafiə naziri, ordu generalı Hulusi Akar videokonfrans vasitəsilə keçirdiyi müşavirədə deyib.
Onun sözlərinə görə, Türkiyə İsveç və Finlandiyanın düşməni deyil: “Biz bu ölkələrin Alyansa üzvlüyünə qarşı çıxmırıq. Onlar öz ölkələrini müdafiə etmək üçün NATO ilə əməkdaşlıq etmək istədikləri kimi, biz də terrorla mübarizədə əməkdaşlıq və dəstək istəyirik. Onlar öz ölkələrinin müdafiəsi və təhlükəsizliyi üçün dəstəyimizi istəyirlər, lakin terrorla mübarizə ilə bağlı tələblərimizi rədd edirlər. Türkiyəyə, Prezidentimizə, bayrağımıza, Qurana, müqəddəs dəyərlərimizə qarşı hər cür alçaqlıq, biabırçılıq, iyrənc cəhdləri görməzlikdən gəlmək, bunlara qarşı susmaq, etinasız qalmaq qəbuledilməzdir”.
H.Akar bildirib ki, İsveç və Finlandiya öhdəliklərini yerinə yetirməlidir.
Bizi Telegram-da izləyin...
