Sentyabr döyüşlərinə görə Ermənistanda həbs olunanların sayı artdı
Ötən ilin sentyabr ayında Azərbaycanla sərhəddə baş vermiş hadisələrlə əlaqədar olaraq Ermənistanda ittiham olunanların sayı 16-ya çatıb.
Redaktor.az “Sputnik Armenia”ya istinadən xəbər verir ki, bu barədə Ermənistan İstintaq Komitəsinin Baş Hərbi İstintaq İdarəsinin nəzarət şöbəsinin rəisi Perç Ayvazyan bildirib.
Qeyd olunub ki, onlardan 6-sı həbs edilib.
Bundan əvvəl İstintaq Komitəsinin sədri Argişti Kyaramyan bəyan etmişdi ki, 2022-ci ilin sentyabrında Ermənistan-Azərbaycan sərhədində baş vermiş hərbi əməliyyatlarla bağlı cinayət işi üzrə 11 erməni əsgəri istintaqa cəlb olunub.
“Bu cinayət işlərindən 6-sı artıq yekunlaşıb və ittiham aktı ilə məhkəməyə göndərilib, qalanları üzrə ibtidai istintaq davam edir”, - P.Ayvazyan bildirib.
Onun sözlərinə görə, ittihamlar əsasən döyüş zamanı xidməti vəzifələrini yerinə yetirməmək, bundan yayınmaq üçün xidmət yerinə vaxtında gəlməmək, hərbi xidmət qaydalarının pozulması ilə bağlıdır.
Hadisələrlə bağlı olaraq 1 500-dən çox şahid dindirilib.
Tunar Altunbay
Bizi Telegram-da izləyin...
