"Abrams" tanklarının Ukraynaya çatdırılması vaxt aparacaq
ABŞ-ın yaza qədər Ukraynaya "Abrams" tanklarını çatdırmağa vaxtı olmayacaq.
Redaktor.az TASS-a istinadla xəbər verir ki, bunu cümə axşamı ABŞ dövlət katibinin siyasi məsələlər üzrə müavini Viktoriya Nuland ABŞ Konqresinin Senatının Xarici Əlaqələr Komitəsində dinləmələrdə çıxışı zamanı deyib.
""Abrams", bildiyiniz kimi, çox mürəkkəb tanklardır və onlardan istifadə etmək üçün ciddi hazırlıq tələb edir. Dünən onların Ukraynaya göndərilməsini təsdiqləsək də, onları döyüş meydanına çatdırmaq bir qədər vaxt aparacaq. Ona görə də onlar bahar hücumunadək görünməyəcək" - o, deyib.
Qeyd edək ki, ABŞ prezidenti Co Bayden çərşənbə günü Vaşinqtonun Ukraynaya 31 "Abrams" tankı göndərəcəyini bildirib.
Turan İSMAYIL
Bizi Telegram-da izləyin...
