İsraildə terrordan sonra əhaliyə silah paylanacaq
Yeni terror aktlarından sonra İsrail hökuməti vətəndaşların silah əldə etmələrini asanlaşdırmaqla ekstremizmlə mübarizə tədbirlərini gücləndirmək qərarına gəlib.
Bu barədə Redaktor.az-a Baş nazir Benyamin Netanyahunun ofisinin bəyanatına istinadən xəbər verir.
Netanyahu vurğulayıb ki, İsrail Qüdsdəki terror hücumlarına sərt, sürətli və dəqiq cavab verəcək.
Nazirlər Kabinetinin Təhlükəsizlik Məsələləri üzrə keçirilən iclasının yekununda qəbul edilən qərara əsasən, qanuna tabe olan israillilər üçün silah gəzdirmək üçün icazələrin alınması proseduru sadələşdiriləcək.
Bundan əlavə, ordu və polis bölmələrinin gücləndirilməsi, saxlanılma praktikasının və qanunsuz saxlanılan silahların ələ keçirilməsi üçün məqsədyönlü əməliyyatların genişləndirilməsi nəzərdə tutulur.
Bizi Telegram-da izləyin...
