"Terrorçunun bu hərəkətini bağışlamayacağam” - Kadırov
Çeçenistanın rəhbəri Ramzan Kadırov Quranı açıq şəkildə yandıran Danimarkanın ifrat sağçı “Sərt kurs” partiyasının lideri Rasmus Paludanı müsəlmanları təxribata çəkmək üçün bəhanə axtaran dini terrorçu adlandırıb.
Redaktor.az TASS-a istinadla xəbər verir ki, o, bu barədə Teleqram kanalında yazıb.
“Mən öz müraciətimdə çox şeyi bağışlayardım, amma dünyadakı 1,5 milyard müsəlman kimi, dini terrorçunun bu hərəkətini bağışlamayacağam” – deyən Kadırov qeyd edib ki, Paludan Quranın yandırılması ilə aksiyanı ona "həsr edib".
Çeçenistan lideri bu cür hərəkətlərə yol verən orqanlara da müraciət edib:
"Niyə siz bunun təxribat olduğunu və bunun ardınca qayğıkeş müsəlmanların ədalətli reaksiyası ilə nəticələnəcəyini yaxşı bilə-bilə buna icazə verirsiniz?"
Qeyd edək ki, Paludan aksiyalarını yanvarın 21-də Stokholmda, 27-də isə Kopenhagendə keçirib. Bu aksiyalardan biri də Rusiyanın Danimarkadakı səfirliyinin konsulluq şöbəsinin binası qarşısında keçirilib. Səfirlik Paludanın hərəkətlərini pisləyib və onları küfr adlandırıb.
Turan İSMAYIL
Bizi Telegram-da izləyin...
