Ermənistanda əsgərlərin yanıb ölməsinə görə daha bir zabit saxlanıldı
Qeqarkunik rayonunun Azat kəndində 15 hərbçinin ölümü ilə nəticələnən yanğın hadisəsi ilə bağlı daha bir zabit saxlanılıb.
Redaktor.az xəbər verir ki, bu barədə Ermənistan Baş Prokurorluğunun mətbuat xidməti məlumat yayıb.
Qeyd olunur ki, bu gün Ermənistan Müdafiə Nazirliyinin N saylı hərbi hissəsinin yanğından mühafizə və xilasetmə xidmətinin adı açıqlanmayan mayor rütbəli rəisi Cinayət Məcəlləsinin 550-ci maddəsinin 3-cü hissəsi ilə (vəzifə səhlənkarlığı, ehtiyatsızlıqdan insan ölümünə səbəb olduqda) saxlanılıb.
İstintaq zamanı M.S. hərbi hissənin yanğından mühafizənin təşkilinə, yanğınsöndürənlər qrupunun, yanğınsöndürmə vasitələrinin daimi hazır vəziyyətinə və şəxsi heyətin yanğın təhlükəsizliyi qaydalarını öyrətməsinə səhlənkar yanaşması barədə kifayət qədər sübutlar əldə edilib.
O, üzərinə düşən vəzifələri yerinə yetirməyib, o cümlədən hərbi hissənin mühəndis şirkətini yanğından mühafizə vasitələri ilə təmin etmyib, nəticədə insanların ölümünə səbəb olub.
Xatırladaq ki, Qeqarkunik rayonunun Azat kəndində mühəndis şirkətinin müvəqqəti barakı kimi fəaliyyət göstərən evdə yanğın yanvarın 19-da saat 01:30 radələrində baş verib. Nəticədə 15 hərbçi həlak olub, daha 3 hərbçi yaralanıb. İstintaqın məlumatına görə, qəzaya səbəb isinmək üçün benzindən istifadə edilməsi olub. Faciədən sonra 5 yüksək rütbəli hərbçi - 2-ci Ordu Korpusunun demək olar ki, bütün komandanlığı tutduqları vəzifələrdən azad edilib.
Faktla bağlı cinayət işi açılıb, bir nəfər həbs edilib.
Tunar Altunbay
Bizi Telegram-da izləyin...
