Ukraynada sürücülər rus vəsiqələri almağa məcbur edilirlər

 10:16 02.02.2023     280

İşğal altında olan Donetsk vilayətinin Qorlovka bölgəsində Rusiya standartlarına uyğun yeni sürücülük vəsiqələrinin alınması üçün məcburi tədbirlər görülür.

Redaktor.az xəbər verir ki, bu barədə Ukrayna Silahlı Qüvvələrinin Baş Qərargahının səhər xülasəsində deyilir.

"Düşmən Donetsk vilayətinin müvəqqəti işğal olunmuş ərazilərində Ukrayna vətəndaşlarına Rusiya vətəndaşlığını tətbiq etməkdə davam edir",- məlumatda deyilir.

Qeyd olunur ki, Rusiya Federasiyası vətəndaşının pasportu olmadıqda Rusiya standartına uyğun yeni sertifikatların verilməsi mümkün deyil.

"İşğalçılar nəqliyyat müəssisələrinin işçiləri üçün 2023-cü il mayın 1-dək müddət qoyublar. Tələblərə əməl etməyənlər işdən çıxarılacaq", - məlumatda deyilir.

Həmçinin, Baş Qərargah Luqansk vilayətində fəaliyyət göstərən işğalçıların bölmələrindən birində 2023-cü il yanvarın 9-dan üç aylıq müqavilələrin başa çatdığını bildirib.

"Bu səbəbdən bu birləşmənin 300-ə yaxın hərbçisi maddi yardım ala bilmir. Bundan başqa, onlar səfərbərlik elan olunduğu üçün hərbi xidmətdən çıxa bilmirlər", - Baş Qərargahdan bildiriblər.

Tunar Altunbay