Daha bir ölkədə Türkiyədəki zəlzələyə görə matəm elan edildi
Şimali Kipr Türk Respublikasında Türkiyədə baş vermiş dağıdıcı zəlzələ ilə bağlı 7 günlük milli matəm elan olunub.
Redaktor.az-ın yerli mediaya istinadla məlumatına görə, bu barədə Türkiyənin xarici işlər naziri Mövlud Çavuşoğlu bildirib.
Nazir həmrəyliyə görə Şimali Kiprə təşəkkür edib.
Çavuşoğlu Türkiyədə baş verən zəlzələdən sonra Şimali Kiprin axtarış-xilasetmə işlərində aktivlik nümayiş etdirdiyini də qeyd edib.
Xatırladaq ki, ötən gün Banqladeş də Türkiyə və Suriyada baş verən güclü zəlzələ nəticəsində həlak olanlara görə ölkədə 7 gün matəm elan edib.
T.İSMAYIL
Bizi Telegram-da izləyin...
