Türkiyədə xilasetmə zamanı 4 hərbçi ölüb - Onlarla yaralı var
Türkiyədə zəlzələ bölgəsində xilasetmə işlərinə cəlb olunan hərbçilərdən 4 nəfər həlak olub, 54-ü isə yaralanıb.
Redaktor.az Türkiyə mətbuatına istinadən xəbər verir ki, bu barədə milli müdafiə naziri Hulusi Akar məlumat verib.
O bildirib ki, zəlzələ bölgəsində 25 067 ordu mənsubu çalışır.
Nazirin sözlərinə görə, bölgəyə 63 təyyarə və 57 helikopter cəlb olunub, müvafiq olaraq 707 və 710 uçuş həyata keçirilib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 24 617 nəfər həyatını itirib.
Bizi Telegram-da izləyin...
