Rusiya Britaniya rəsmilərini casusluğa cəlb etmək istəyir
Rusiya Britaniya rəsmilərini və kəşfiyyatçılarını əməkdaşlığa cəlb etməyə çalışır.
Redaktor.az xəbər verir ki, bu barədə "The Sun" nəşri yazıb.
Nəşrin yazdığına görə, Putin Rusiya kəşfiyyat orqanlarına Ukraynaya gələcək hərbi yardımın ötürülməsini pozmaq, eləcə də ölkədə təxribatlar törətmək üçün Böyük Britaniyada casusların cəlb edilməsini artırmağı tapşırıb.
Keçmiş Britaniya kəşfiyyatçılarının fikrincə, indi Böyük Britaniya demək olar ki, Rusiya Federasiyası üçün əsas hədəfdir, ona görə də Moskva insanlara çıxış əldə etmək və agentlərini lazımi yerlərdə yerləşdirmək üçün hər şeyi etməyə çalışacaq.
"İkinci istiqamət isə məmurlar arasında, xüsusən də Lordlar Palatasında, eləcə də ictimaiyyətin digər sahələrində gizli məlumat verənlərin tapılmasıdır. Rusiya təxribat törətmək naminə hazır olanları müəyyən etmək üçün gəncləri, tələbələri, dini icmaları cəlb edərək "vəziyyəti dəyişməyə" çalışacaq", - deyə məqalədə qeyd olunub.
Bizi Telegram-da izləyin...
