“ABŞ və onun müttəfiqləri manyak bir istəklə məşğuldur" - Lavrov
Rusiya Federasiyasının yenilənmiş xarici siyasət konsepsiyasında Qərbin beynəlxalq həyatda hökmranlığına son qoyulması zərurətinə diqqət yetiriləcək.
Redaktor.az TASS-a istinadla xəbər verir ki, bunu Rusiyanın xarici işlər naziri Sergey Lavrov bildirib.
“Bizim yenilənmiş xarici siyasət konsepsiyamızda biz Qərbin beynəlxalq həyatın çərçivəsinin formalaşmasında inhisarına son qoymağın zəruriliyindən danışacağıq ki, bu da bundan sonra onun eqoist maraqlarına uyğun deyil, ədalətli, universal balans əsasında müəyyən edilməlidir. Bütün dövlətlərin suveren bərabərliyi prinsipini təsbit edən BMT Nizamnaməsi tələb etdiyi kimi, maraqların qorunmasını təmin etməlidir”, - o, bu gün Dövlət Dumasında hökumət saatında deyib.
Lavrov əlavə edib ki, Qərb birqütblü dünya nizamı arzusu ilə “obsessiyaya qapılıb” və ölkələrin suveren bərabərliyi prinsipini “kobudcasına pozur”.
“Birləşmiş Ştatlar və onun müttəfiqləri neokolonial, birqütblü dünya düzənini dirçəltmək, yeni dünya mərkəzlərinin formalaşması və yüksəlişinin obyektiv prosesinə müdaxilə etmək üçün manyak bir istəklə məşğuldurlar. Və bütün bunlar, prezident Putinin ötən il sentyabrın 30-da Kremldəki çıxışında qeyd etdiyi kimi, “bəşəriyyətdən əsl xərac toplamaq, hegemonun icarə haqqını almaq” ümidi ilə edilir" - nazir deyib.
Turan İSMAYIL
Bizi Telegram-da izləyin...
