Avropa Parlamenti Saakaşvilini azad etməyə çağırdı - QƏTNAMƏ
Avropa Parlamenti (AP) bu gün Gürcüstan hakimiyyətini ölkənin keçmiş prezidenti Mixail Saakaşvilini azad etməyə və onun xaricdə müalicə almasına icazə verməyə çağıran qətnamə qəbul edib.
Redaktor.az TASS-a istinadla xəbər verir ki, bu barədə AP-nin saytında dərc olunan məlumatda deyilir.
Qeyd edilir ki, Avropa Parlamentinin deputatları “2021-ci ildən evində həbsdə olan Saakaşvilinin səhhətinin pisləşməsi ilə bağlı ciddi narahatlıqlarını ifadə ediblər”.
"Drafik arıqlama xəbərlərini və onun həbsdə olarkən zəhərlənmədən əziyyət çəkdiyinə dair təklifləri nəzərə alaraq, Avropa Parlamenti deputatları Gürcüstan hakimiyyətini Saakaşvilini azad etməyə və onun xaricdə lazımi müalicə almasına icazə verməyə çağırıb", - AP vurğulayıb.
Avropa Parlamentinin nümayəndələri “Gürcüstan prezidenti Salome Zurabişviliyə müraciət edərək, Saakaşvilini əfv etmək üçün konstitusiya hüququndan istifadə etməyi xahiş edirlər”, sənəddə deyilir. AP deputatlarının fikrincə, “ölkənin Avropa islahatlarının aparılmasında irəliləyişləri siyasətdə ön plana çəkilməlidir”.
“Ölkədə eks-prezident kimi məhbuslarla rəftar Gürcüstan hökumətinin Avropa dəyərlərinə sadiqliyinə və Avropa istəklərinə, o cümlədən Gürcüstana hələlik verilməyən Aİ-yə namizəd statusuna dair lakmus testidir” - qətnamədə vurğulanır.
Qeyd edək ki, fevralın 6-da Tbilisi Şəhər Məhkəməsi eks-prezidentin vəkillərinin səhhəti ilə bağlı onun azadlığa buraxılması ilə bağlı vəsatətini rədd edib. Ondan artıq görüşdə şahid qismində həkimlər, ekspertlər, o cümlədən əcnəbilər çıxış edərək, sabiq dövlət başçısının bir çox xəstəliklərinin olduğunu bildiriblər. Gürcüstan hakimiyyətinin mövqeyi ondan ibarətdir ki, Saakaşvili simulyasiya edir.
Saakaşvili 2021-ci ilin oktyabrında keçiriləcək bələdiyyə seçkilərindən bir gün əvvəl Gürcüstana gizli şəkildə gəlib, bundan sonra həbs edilərək Rustavi şəhərindəki həbsxanaya yerləşdirilib. O, özünü siyasi məhbus adlandıraraq aclıq aksiyasına başlayıb. Keçmiş prezidentin səhhəti pisləşdikdən sonra o, həbsxana xəstəxanasına, daha sonra isə hərbi hospitala köçürülüb. 2021-ci ilin dekabrında Saakaşvili cəzasını Rustavidəki həbsxanada çəkməyə davam etdi, lakin 2022-ci ilin mayında o, Tbilisidəki “Vivamed” özəl klinikasına aparıldı və bu günə qədər oradadır.
Turan İSMAYIL
Bizi Telegram-da izləyin...
