"Rusiyanın Ukraynanı işğala başlamasının tarixini bilirdim" - NATO-nun baş katibi
NATO-nun baş katibi Yens Stoltenberq Rusiyanın 2022-ci il fevralın 24-nə keçən gecə Ukraynanı işğala başlamaq planlarını bilsə də, yatmağa üstünlük verib.
Redaktor.az xəbər verir ki, o, bu barədə cümə axşamı "France-Press" agentliyinə müsahibəsində deyib.
"Mən yatdım. Amma çox qısa bir gecə idi, çünki bilirdim ki, nə vaxtsa, yaxın bir neçə saat ərzində məni kimsə oyadacaq. Və belə də oldu", - NATO-nun baş katibi qeyd edib.
Stoltenberqin sözlərinə görə, ona Rusiyanın hücumu barədə Moskva vaxtı ilə saat 05.00-da qısa məlumat verilib:
"Təəccüblənmədim, çünki bilirdim"
NATO-nun baş katibi Ukraynadakı münaqişənin alyansın sıralarını toplamaq üçün stimul yaratdığını, lakin eyni zamanda NATO-nun hərbi əməliyyatların qarşısını almaq üçün daha çox şey edə biləcəyi ilə bağlı təklifi rədd edib.
O, münaqişənin 2022-ci ildə deyil, 2014-cü ildə Krımın Rusiyaya birləşdirilməsindən sonra başladığını əlavə edib.
Tunar Altunbay
Bizi Telegram-da izləyin...
