Zəlzələnin 296-cı saatında möcüzə:  3 nəfər xilas edildi

 13:02 18.02.2023     156

Türkiyədə baş verən zəlzələdən 296 saat sonra 3 nəfər xilas edilib.

Redaktor.az xəbər verir ki, bu barədə "Anadolu" agentliyi məlumat yayıb.

Biri azyaşlı olmaqla üç nəfərin Hatay bölgəsində dağıntılar altından sağ çıxarıldığı bildirilir.

Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.

Son məlumatlara görə, zəlzələ nəticəsində 40 minə yaxın insan dünyasını dəyişib.