Zəlzələdən sonra ölkəsinə qayıdan suriyalıların sayı açıqlandı
Türkiyədəki zəlzələdən sonra bu ölkədən Suriyaya qayıdanların sayı məlum olub.
Redaktor.az "TRT Haber"ə istinadən xəbər verir ki, bu barədə Türkiyənin milli müdafiə naziri Hulusi Akar danışıb.
"Bəzi fitnə-fəsad yuvaları "sərhədlərdən qaçqın axını" iddialarını ortaya atıb. Bu iddialar tamamilə həqiqətdən uzaqdır. Türkiyədə baş vermiş zəlzələdən sonra 10 633 suriyalı öz torpaqlarına geri dönüb", - o deyib.
.png)
Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Zəlzələdə ölənlərin sayı 40 min 642 nəfərə çatıb.
Bizi Telegram-da izləyin...
