Duma Putinin nüvə sazişi barədə təqdimatını TƏSDİQLƏDİ
Rusiya Dövlət Duması rəsmi Moskvanın Strateji Hücum Silahlarının İxtisarı üzrə Müqavilədə iştirakını dayandırması haqqında qanunu yekdilliklə qəbul edib.
Redaktor.az xəbər verir ki, məlumatı Rusiya KİV-i yayıb.
Layihəni fevralın 21-də ölkə Prezidenti Vladimir Putin Dumaya təqdim edib.
O, ötən gün Federal Məclisə müraciətində Rusiyanın müqavilədə iştiraklarını dayandırdığını açıqlayıb.
Qeyd edək ki, Strateji Hücum Silahlarının İxtisarı üzrə brinci müqavilə 1991-ci ilin iyulunda ABŞ Prezidenti Corc Buşla keçmiş SSRİ-nin rəhbər Mixail Qorbaçov arasında imzalanıb.
SSRİ dağıldıqdan sonra müqavilə yenilənib. 1993-cü ilin yanvarında Corc Buşla Rusiya Prezidenti Boris Yeltsin ikinci, 2010-cu ilin aprelində ABŞ Prezidenti Barak Obama ilə Rusiyanın dövlət başçısı Dmitri Medvedev arasında üçüncü saziş imzalanıb. Sonuncu sənəd 2011-ci il fevralın 5-də qüvvəyə minib.
Bizi Telegram-da izləyin...
