Taliban Əfqanıstanın şimalında 23 nəfəri qamçıladı
Əfqanıstanda hakimiyyəti ələ keçirmiş radikal Taliban hərəkatının tərəfdarları ölkənin şimalında yerləşən Sari Pul əyalətində 9-u qadın olmaqla 23 nəfəri nümayişkaranə şəkildə qamçılayıblar.
Redaktor.az xəbər verir ki, bu barədə çərşənbə günü Əfqanıstanın "Haşt-e Subh" qəzeti yerli mənbələrə istinadən məlumat yayıb.
Onların sözlərinə görə, təqsirləndirilən şəxslər futbol stadionunun ərazisində zina, nikahdan əvvəl əlaqə, vətənə xəyanət, evdən qaçma və qumar oynamağa görə cəzalandırılıblar.
Fevralın 2-də Taliban tərəfdarları ölkənin cənubundakı Helmand əyalətinin 16 sakinini şallaqlayıb. Onlar oğurluq, zina və inzibati xətalarda ittiham olunublar.
Təqsirləndirilən şəxslərin hər biri 39-a qədər şallaq zərbəsi alıb.
Tunar Altunbay
Bizi Telegram-da izləyin...
