Xorvatiya Ukraynaya 14 ədəd Mi-8 helikopteri verəcək
Xorvatiya Ukraynaya 14 ədəd Mi-8 helikopterini təhvil verməyə hazırlaşır, onların göndərilməsi hələ ötən ilin noyabr ayında elan edilib.
Redaktor.az bu barədə “Jutarnji list”ə istinadən xəbər verir.
Məlumata görə, helikopterlər təxminən 10 gün ərzində göndərilməyə hazır olacaq.
Jurnalistlərin məlumatına görə, on iki Mi-8MTV-1 və iki Mi-8T helikopteri Xorvatiya Silahlı Qüvvələrinin tabeliyindən çıxarılıb və hazırda aviasiya texniki mərkəzində onlara texniki xidmət göstərilir.
Digər işlərlə yanaşı, helikopterlərdə mövcud olan bütün nişanlar götürülür, təmir-bərpa işləri aparılır.
Helikopterlərin təqribən on gün ərzində daşınmağa hazır olacağı gözlənilir. Məlumata görə, yeddi helikopter qismən sökülərək quru yolu ilə daşınacaq, qalan yeddisi isə Polşaya uçacaq.
Qeyd edək ki, Mi-8 çoxsaylı modifikasiyaları ilə dünyanın ən böyük iki mühərrikli helikopteridir (bütün modifikasiyaların 17 mindən çox nüsxəsi istehsal olunub). Mi-8 1960-cı illərdə hazırlanıb, lakin hələ də dünyanın onlarla ölkəsində geniş istifadə olunur.
Bizi Telegram-da izləyin...
