Belçika Rusiyanın 191 milyard avroluq əməliyyatlarını BLOKLADI
Belçika Maliyyə Nazirliyi bildirib ki, krallıq Rusiyanın 58 milyard avroluq aktivlərini dondurub və Rusiya ilə bağlı 191 milyard avroluq əməliyyatları bloklayıb.
Redaktor.az xəbər verir ki, bu barədə TASS məlumat yayıb.
"Nazirlik Rusiyanın 58 milyard avro dəyərində aktivlərini dondurub. 191 milyard avro dəyərində Rusiya ilə bağlı əməliyyatlar da bloklanıb", - sənəddə deyilir.
Fevralın 25-də qəbul edilmiş 10-cu anti-Rusiya sanksiyaları paketi Avropa banklarını öz milli tənzimləyicilərinə və Avropa Komissiyasına balanslarında bloklanmış Rusiya vəsaitlərinin məbləği barədə məlumat verməyə məcbur edir.
Beləliklə, Avropa Komissiyası, Avropa Komissiyasının ədliyyə üzrə komissarı Didye Reyndersin sözləri ilə desək, Aİ-nin müsadirə etmək və Ukraynanın bərpası ehtiyaclarına göndərmək niyyətində olduğu “dondurulmuş aktivlərin inventarını” həyata keçirmək niyyətindədir.
Bunun üçün zəruri qanunvericilik aktları qəbul edilir. Brüssel onun inkişafı üzərində intensiv işləyir.
Tunar Altunbay
Bizi Telegram-da izləyin...
