Berlin səması hazırda müdafiəsiz qalıb - "Rheinmetall"
Mövcud hava hücumundan müdafiə sistemləri Ukraynaya ötürüldüyü üçün Berlin hazırda hava hücumlarından qorunmur.
Redaktor.az xəbər verir ki, "Rheinmetall" Müdafiə Konserninin rəhbəri Armin Papperger "Pioneer" jurnalına müsahibəsində belə deyib.
“Berlini qoruya biləcək iki sistem hazırda Ukraynadadır. Söhbət "Skynex" və "Skyranger" hava hücumundan müdafiə sistemlərindən gedir",-deyən Papperger əlavə edib ki, hazırda şəhər müdafiəsizdir.
Dekabr ayında "Handelsblatt" qəzeti "Rheinmetall"ın Ukrayna üçün iki "Skynex" hava hücumundan müdafiə sistemi istehsal etmək niyyətində olduğunu yazıb.
Tunar Altunbay
Bizi Telegram-da izləyin...
