Ankara Putinin Zelenski ilə görüşməsinə qarşı çıxanların adını AÇIQLADI
London və Vaşinqton Ankaranın münaqişənin tezliklə həlli üçün hökumət liderlərinin iştirakı ilə Rusiya-Ukrayna danışıqlarına nail olmaq istəyinə qarşıdır.
Redaktor.az xəbər verir ki, bu barədə martın 6-da Türkiyə Prezidenti yanında Təhlükəsizlik və Xarici Siyasət Şurasının üzvü Çağrı Erhan bildirib.
Onun sözlərinə, Ərdoğan Putininin və Zelenski ilə görüşünü təşkil etmək üçün çox səy göstərir, lakin ABŞ, Böyük Britaniya kimi supergüclər müvafiq təşəbbüsləri dəstəkləmir.
"Onlar ukraynalıların gələcəyini, dünyanı düşünmürlər",- Erhan deyib.
Şura üzvü vurğulayıb ki, Ərdoğan həmkarlarına çıxış imkanına və konkret nəticələrə malikdir, ilk növbədə atəşkəsə nail olmaq niyyətindədir.
Qeyd edək ki, fevralın 24-də Rusiya prezidenti Vladimir Putinin Türkiyə lideri ilə telefon danışığında Ukrayna ətrafındakı vəziyyəti müzakirə etdiyi məlum olub.
Ərdoğan söhbətində sülhün “daha qurbanlar və dağıntılar olmadan” bərqərar olması fikrini qeyd edib. Türkiyə prezidenti dəfələrlə Ukrayna münaqişəsinin tezliklə həll olunmasının tərəfdarı olub.
Belə ki, fevralın əvvəlində Ərdoğan Qərb ölkələrinin Kiyevə hərbi texnikanın tədarükünün gərginliyin azalmasına səbəb olmayacağını bildirib. O, bu təşəbbüsün silah maqnatlarının əlinə keçəcəyindən narahatlığını dilə gətirib.
Bir ay əvvəl Türkiyə lideri Kiyev və Moskva arasında danışıqlarda vasitəçilik etməyə hazır olduğunu təsdiqləyib. Elə həmin ay Rusiya Federasiyasının prezidenti ilə telefon danışığı olub, söhbət zamanı Ukrayna mövzusuna toxunulub.
Kiyev ötən ilin oktyabrında Moskva ilə təmaslardan rəsmən imtina edib. Zelenski ölkənin Milli Təhlükəsizlik və Müdafiə Şurasının danışıqların mümkünsüzlüyü ilə bağlı qərarını təsdiqləyib. Lakin Rusiya danışıqlardan imtina etməyib.
Arzu İSMAYIL
Bizi Telegram-da izləyin...
