"Əgər marağınız varsa, Belarusda müştərək müəssisələr yaradaq" - Lukaşenkodan İrana təklif
Belarus Prezidenti Aleksandr Lukaşenko İrana dünya miqyasında birgə yüksək texnologiyalı istehsal və ticarət məhsulları təşkil etməyi təklif edib.
Redaktor.az xəbər verir ki, bu barədə BELTA agentliyi məlumat yayıb.
“Siz bütün dünyanın ehtiyac duyduğu çox yüksək texnologiyalı avadanlıq yaradırsınız. Turbinləri, müxtəlif informasiya-kommunikasiya vasitələrini, ən müasir dərmanları sərfəli qiymətə götürün" - o, bu gün İslam Respublikasının birinci vitse-prezidenti Məhəmməd Moxberlə görüşdə bildirib.
"Biz sizinlə bütün bu sahələrdə əməkdaşlığa hazırıq. Əgər marağınız varsa, Belarusda müştərək müəssisələr yaradaq və bütün dünyada ticarət edək”.
Lukaşenko qeyd edib ki, həmin gün o, İran prezidenti İbrahim Rəisi ilə səmərəli danışıqlar aparıb, onlarla aparıcı tibbi və elmi-innovativ istehsalçıların sərgisinə də baş çəkiblər. "Biz birmənalı şəkildə bildirdik ki, istənilən münasibətin və qarşılıqlı anlaşmanın əsasını iqtisadiyyat təşkil edir və iqtisadiyyatda siz əsassınız. Ona görə də bizim sazişlərin icrası əsasən sizin rəhbərlik etdiyiniz İran hökumətindən asılı olacaq", - Belarus lider bildirib.
Onun sözlərinə görə, ilin sonuna qədər bütün razılaşmalar yerinə yetirilməlidir. "Bir sözlə, bu uğurlu danışıqların nəticəsi olaraq biz sizin üzərinizə xeyli iş atdıq. Sizdən yalnız bir xahiş var - bizim tərəfimizdən heç bir ləngimə olmayacaq - bütün razılaşmalarımızı mütləq həyata keçirək. Bu il ərzində biz çox asanlıqla ticarətə 100 milyon dollardan çox əlavə edə bilərik”, - Lukaşenko bildirib.
Qeyd edək ki, martın 13-ü Lukaşenkonun İrana rəsmi səfərinin ikinci günü idi. Danışıqlar nəticəsində sənədlər, o cümlədən iki dövlət arasında hərtərəfli əməkdaşlıq üçün hərtərəfli yol xəritəsi imzalanıb.
Turan İSMAYIL
Bizi Telegram-da izləyin...
