Paşinyan KTMT-nin baş katibi ilə sərhəddəki vəziyyəti müzakirə etdi
Ermənistanın Baş naziri Nikol Paşinyan və Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqambetov martın 17-də İrəvanda Ermənistan-Azərbaycan sərhədindəki vəziyyəti müzakirə ediblər.
Redaktor.az "Sputnik Armeniya"ya istinadla xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.
"Həmsöhbətçilər KTMT-nin məsuliyyət zonasında mövcud vəziyyət, regional hadisələr və təhlükəsizlik çağırışları barədə fikir mübadiləsi aparıblar. Bu kontekstdə Ermənistan-Azərbaycan sərhədindəki vəziyyət və KTMT-nin kollektiv müdafiə mexanizmləri ilə bağlı bir sıra məsələlər müzakirə olunub", - məlumatda deyilir.
Qeyd edək ki, KTMT-nin baş katibi cümə axşamı Ermənistana iki günlük işgüzar səfərə gəlib. O, artıq 2022-ci ilin sentyabrında Ermənistan və Azərbaycan hərbçiləri arasında döyüşlərin getdiyi Cermuk şəhərinə səfər edib, həmçinin müdafiə naziri Suren Papikyan və Təhlükəsizlik Şurasının katibi Armen Qriqoryanla görüşlər keçirib.
Turan İSMAYIL
Bizi Telegram-da izləyin...
