Ermənistanda 4 rus məktəbi tikiləcək
Yaxın zamanlarda Ermənistanda dörd rus məktəbinin tikintisinə start veriləcək.
Redaktor.az xəbər verir ki, bunun Ermənistan Milli Assambleyası ilə Rusiya Federasiyası Federal Məclisi arasında əməkdaşlıq üzrə Parlamentlərarası Komissiyanın 36-cı iclası zamanı Federasiya Şurasının sədr müavini Yuri Vorobyov deyib.
Vorobyov iki ölkə arasında ümumi təhsil, elm və dil məkanının gücləndirilməsinin vacibliyini təsdiqləyib:
"Liderlərimizin razılaşmaları əsasında Ermənistanda 4 rus məktəbinin tikintisi layihəsinə başlanılıb. Onun həyata keçirilməsi Rusiya-Ermənistan Hökumətlərarası Komissiyası çərçivəsində baş tutacaq".Bundan başqa, senator bildirib ki, Rusiya Ermənistana 60 min dərslik verəcək.
"Biz bunu edirik. Amma söhbət təkcə dərsliklərin özündə deyil, həm də ondan gedir ki, Rusiya Federasiyası Ermənistanla birlikdə öz həm rus, həm də erməni dillərinin öyrəniləcəyi məktəblər tikmək niyyətindədir. Onlar müxtəlif proqramlar üzrə təhsil alacaq.Biz isə istəyirik ki, burada məktəbi bitirən uşaqlar bizim Rusiya universitetlərinə sərbəst daxil ola bilsinlər”, - Vorobyov bildirib.
Senator gənclər siyasətini Rusiya ilə Ermənistanın qarşılıqlı fəaliyyətinin ən mühüm sahələrindən biri adlandırıb. O, xüsusilə, hər bir ölkədə növbə ilə keçirilən regionlararası gənclər forumlarının keçirilməsinə diqqət çəkib.
“Bu layihə ümumi keçmişimizin təhrif edilməsinə və saxtalaşdırılmasına qarşı mübarizə və əsl tarixi yaddaşın qorunması məqsədi daşıyır”. Parlamentlərarası komissiyanın üzvü, Ermənistan Milli Assambleyasının deputatı Aleksey Sandykov qeyd edib ki, rus dili erməni dilindən sonra ikinci yerdədir.
O, Ermənistana 60 min rus dərsliyinin göndərilməsinin vacibliyini qeyd edib ki, bu da rus dilinin dəstəklənməsi istiqamətində ciddi addım olacaq. Onun sözlərinə görə, rus sinifləri olan məktəblərin tələbatını ödəyəcək.
Qeyd edək ki, bu məsələ Ermənistan parlamentinin sədri Alen Simonyanın ötən il Rusiyaya səfəri və Federasiya Şurasının rəhbəri Valentina Matviyenko ilə görüşü zamanı qaldırılıb.
Tunar Altunbay
Bizi Telegram-da izləyin...
