ABŞ-da pilot uçuş zamanı huşunu itirdi

 00:00 24.03.2023     246

ABŞ-nin Nevada ştatının Las-Veqas şəhərindən Ohayo ştatının Kolumbus şəhərinə uçan “Southwest Airlines” aviaşirkətinə məxsus təyyarənin pilotu uçuş zamanı huşunu itirib.

Redaktor.az xəbər verir ki, bu barədə CNN şirkətə istinadən məlumat yayıb.

Məlumata görə, ekipajın köməyinə təyyarədə sərnişin kimi olan başqa aviaşirkətin pilotu gəlib. Təyyarədə olan tibb bacısı pilota tibbi yardım göstərib.

Tezliklə təyyarə Las-Veqasa qayıdıb. Huşunu itirmiş pilot xəstəxanaya aparılıb, ehtiyat komanda göyərtəyə qalxıb və təyyarə Kolumbusa yola düşüb.

ABŞ Federal Aviasiya İdarəsi insidentlə bağlı araşdırma aparır.