“Əfqanıstanı Vaşinqton və onun peykləri yenidən qurmalıdır”
“Əfqanıstanda vəziyyət nəinki çətin olaraq qalır, həm də uzunmüddətli böhran xarakteri alır”.
Redaktor.az TASS-a istinadla xəbər verir ki, bunu çərşənbə günü Rusiya Federasiyası Təhlükəsizlik Şurasının katibi Nikolay Patruşev Nyu-Dehlidə Şanxay Əməkdaşlıq Təşkilatına (ŞƏT) üzv olan həmkarları ilə görüşündə deyib:
“Taliban hərəkatı hakimiyyətə gəldikdən bir il yarım sonra çətin olaraq qalan və xarakter daşıyan Əfqanıstandakı vəziyyətə əsaslı diqqət yetirmək lazımdır. Uzun sürən bir böhrandır”.
Patruşev ŞƏT dövlətlərinin təhlükəsizliyinə əhəmiyyətli çağırışların və təhdidlərin bu ölkənin ərazisindən gəldiyinə diqqət çəkib.
“Bunlar xüsusilə terror, silah və narkotiklərin qeyri-qanuni dövriyyəsi, qeyri-qanuni miqrasiya, o cümlədən ekstremist ideologiyanın yayılmasıdır”,- deyə o xəbərdarlıq edib.
Rusiya Təhlükəsizlik Şurasının katibi vurğulayıb ki, işğalçı kontingentin çıxarılmasından sonra ölkədəki kritik vəziyyətə görə məsuliyyət daşıyan Vaşinqton və onun peykləri Əfqanıstan iqtisadiyyatının münaqişədən sonra yenidən qurulması üçün əsas maliyyə xərclərini öz üzərinə götürməlidir:
“Eyni zamanda, biz ABŞ və NATO-nun hərbi infrastrukturunun hər hansı formada və hər hansı bəhanə ilə regiona, o cümlədən Əfqanıstana qonşu ölkələrə qaytarılmasını qəti şəkildə qəbuledilməz hesab edirik”.
Xatırladaq ki, 14 aprel 2021-ci ildə ABŞ Prezidenti Co Bayden Əfqanıstanda Amerika tarixində ən uzun xarici hərbi kampaniyaya çevrilən əməliyyatı dayandırmaq qərarına gəldiyini açıqladı.
2010-2013-cü illərdə ABŞ-ın əməliyyatının pik nöqtəsində Əfqanıstandakı Qərb qüvvələrinin sayı 150 min nəfəri ötüb. ABŞ və NATO-nun əsas döyüş bölmələri 2014-cü ildə Əfqanıstandan çıxarılıb.
Arzu İSMAYIL
Bizi Telegram-da izləyin...
