Qazaxıstanda baş nazir postuna namizəd irəli sürüldü
Qazaxıstanın ən böyük partiyası “Amanat” (“Əcdadların vəsiyyəti”) ölkənin lideri Kasım-Jomart Tokayevə Əlixan Smailovun baş nazir postuna namizədliyini irəli sürüb.
Redaktor.az xəbər verir ki, bu barədə prezidentin mətbuat xidməti məlumat yayıb.
"Dövlət başçısı Kasım-Jomart Tokayev parlamentin sədri, "Amanat" partiyasının sədri Yerlan Koşanovu qəbul edib. Prezident bu vəzifəyə "Amanat" partiyasından Əlixan Asxanoviç Smailovun namizədliyini irəli sürüb. yeni baş nazirin,” prezident mesajında bildirib.
Mövcud qanunvericiliyə uyğun olaraq, yaxın vaxtlarda dövlət başçısı təklif olunan namizədliyi partiyaların Məclisdəki qalan fraksiyaları ilə müzakirə edəcək.
Tokayev daha əvvəl bildirib ki, Məclisə seçkilərdə qalib gələn partiya prezidentə baş nazir postuna namizəd təklif etmək hüququna malikdir. O qeyd edib ki, gələcəkdə müxtəlif siyasi qüvvələrin nümayəndələrinin hökumətdə və yerli idarəetmə orqanlarında rəhbər vəzifələrə cəlb olunmasının təmin edilməsi məqsədəuyğundur.
Qeyd edək ki, 50 yaşlı Smailov 2020-ci ilin mayından Qazaxıstan baş nazirinin birinci müavini vəzifəsində çalışır. 2019-cu ilin fevral ayından hökumət başçısının birinci müavini - maliyyə naziri vəzifəsində çalışıb, müxtəlif illərdə də Maliyyə Nazirliyinə rəhbərlik edib və prezidentin köməkçisi olub. Smailov 2022-ci ilin yanvarından Qazaxıstan hökumətinə rəhbərlik edir.
Tunar Altunbay
Bizi Telegram-da izləyin...
