ABŞ Ukraynaya daha 2,6 milyardlıq hərbi yardım AYIRDI
ABŞr Ukraynaya yeni 2,6 milyard dollarlıq hərbi yardım paketi ayırdığını elan edib. Bu paketə raketdən müdafiə sistemləri və MLRS üçün sursat daxildir.
Redaktor.az xəbər verir ki, bu barədə Pentaqonun mətbuat xidməti məlumat yayıb.
“Bu gün Müdafiə Nazirliyi Ukraynaya yeni kritik təhlükəsizlik yardımı elan edib”,- deyə məlumatda bildirilir.
Yardım paketi iki hissədən ibarətdir.
İlk yardımın bir hissəsi kimi o, prezident Co Baydenin xüsusi səlahiyyətlərinə uyğun olaraq ayrılır.
Beləliklə, Ukrayna "Patriot" raketdən müdafiə sistemi üçün döyüş sursatları, "HIMARS" raketləri, artilleriya mərmiləri, tanklar üçün sursat, 400-ə yaxın qumbaraatan və onlar üçün 200 minə yaxın döyüş sursatı da daxil olmaqla 500 milyon dollar məbləğində yardım alacaq.
Bundan əlavə, Ukrayna 2,1 milyard dollar yardım alacaq ki, bu da ABŞ Müdafiə Nazirliyinin istehsalçılarla bu və ya digər avadanlıq və vasitələrin birbaşa olaraq təmin edilməsini deyil, müvafiq müqavilələrin bağlanmasını nəzərdə tutur.
Pentaqonun bu təşəbbüsünə uyğun olaraq, Kiyev NASAMS kompleksləri, dron əleyhinə silahlar, hava müşahidə radarları, zenit sursatları və raketlər, həmçinin Javelin minaatanları və tank əleyhinə sistemlər üçün döyüş sursatları alacaq.
Bundan əlavə, ABŞ Ukraynaya təxminən 3600 atıcı silah və 23 milyondan çox patron təhvil verəcək.
Paketə həmçinin avtomobillər, o cümlədən tankerlər, bərpa maşınları və yük maşınları daxildir.
Tunar Altunbay
Bizi Telegram-da izləyin...
