Mişustin nazirlərin ölkədən çıxışına qadağa qoydu
Rusiyada yüksək vəzifəli şəxslərin baş nazir Mixail Mişustinin icazəsi olmadan ölkədən çıxışı qadağan edilib.
Redaktor.az xəbər verir ki, bu barədə “The Bell”in jurnalistlərinə adının açıqlanmasını istəməyən hökumət rəsmiləri məlumat verib.
Onların fikrincə, son vaxtlar xaricə yalnız xüsusi icazə ilə getmək olar ki, bu da baş nazirlə razılaşdırılmalıdır. Üstəlik, icazələr yalnız işgüzar səfərlər üçün verilir, istirahət üçün deyil.
Yeni tələblər demək olar ki, bütün yüksək səviyyəli dövlət məmurlarına - nazirliklərdəki departament rəhbərlərindən tutmuş nazirlərin özlərinə qədər aiddir.
Nəşr müəyyən edib ki, bu qadağaları yalnzi baş nazir tətbiq edib və Prezident Administrasiyasında belə bir şey yoxdur.
Jurnalistlərin həmsöhbətləri deyirlər ki, qadağalar baş nazir Mişustinin “xüsusi canfəşanlığının” təzahürüdür.
Rusiya höküməti “qaranlıq əsrin” yaxınlaşmasından ehtiyat edən əhalinin və məmurların ölkədən qaçmasından narahatdır.
Son məlumatlara görə, Rusiyanın əsas sosial şəbəkəsi Rusiyanı tərk etmək üçün reklam yollarını belə qadağan edib.
Keçən il xaricə qaçmağı planlaşdıran Rusiyanın yüksək vəzifəli şəxsləri və oliqarxları arasında müəmmalı vəba xəstəliyi yayılıb.
Məsələn, İspaniyada Rusiya Federasiyasının ən böyük qaz şirkətlərindən birinin keçmiş top meneceri ölü tapılıb. Onunla eyni vaxtda həyat yoldaşı və qızı da dünyasını dəyişib.
Yeri gəlmişkən, vətənlərinə qayıtmağa qərar verən rusları FSB-də “sorğu”ya çağırıb, sonra onların niyə getdiklərini və niyə qayıtmaq qərarına gəldiklərini soruşmağa başlayıblar.
Tunar Altunbay
Bizi Telegram-da izləyin...
