Cənubi Koreyada hərbi və mülki müdafiə təlimləri başladı
Cənubi Koreya Respublikasının hərbçiləri ölkənin cənub-şərqində mülki əhalinin müdafiəsi üçün regional hakimiyyət orqanları, polis və fövqəladə hallar xidmətləri ilə birgə həyata keçirilən “Hvaranq” adlı kompleks təlimə başlayıb.
Redaktor.az xəbər verir ki, bu barədə bazar ertəsi "Yonhap agentliyi" ölkənin Silahlı Qüvvələrinin Baş Qərargah Rəisləri Komitəsinə istinadən məlumat yayıb.
Tequ şəhəri və Gyeongsangbuk-do əyalətində başlayan təlimlər beş gün davam edəcək.
Hvaranq təlimi oktyabr ayına qədər mərhələli şəkildə ölkənin digər bölgələrində də keçiriləcək.
Qərargah Rəisləri Komitəsində qeyd edildiyi kimi, 2023-cü ildə təlimlərin miqyası normal olacaq - pandemiya dövründə onlar ixtisar edilmiş proqram üzrə və ya “şifahi formatda” aparılıb.
“Hvaranq” təlimləri müharibə və dinc vaxtlarda əhalinin müdafiəsi üçün tədbirlərin işlənib hazırlanmasına həsr olunub. Onlar təhlükəsizlik sahəsində “tam hazırlığı” təmin etmək üçün ictimaiyyət nümayəndələrini, yerli hakimiyyət orqanlarını, ordunu, polisi və fövqəladə hallar xidmətlərini cəlb edirlər. Bu dəfə KXDR-in nüvə-raket təhlükəsi fonunda hava hücumu və təlimlərin təxliyyəsi zamanı mülki müdafiə tədbirlərinin tətbiqi, həmçinin hakimiyyət orqanlarının və ordunun kibertəhlükələrə birgə reaksiyası planlaşdırılır. Bundan əlavə, terrorla mübarizə təlimləri keçiriləcək.
Mütəxəssislərdən ibarət inteqrasiya olunmuş müdafiə qərargahı regional hakimiyyət orqanlarının, ordunun, polisin və dövlət idarələrinin hərəkətlərini qiymətləndirəcək.
Tunar Altunbay
Bizi Telegram-da izləyin...
