Tramp Üçüncü Dünya müharibəsinin başlayacağına işarə ETDİ
ABŞ-ın keçmiş prezidenti Donald Tramp dünən axşam saatlarında özünün “Truth Social” sosial şəbəkəsində yazdığı postla bir daha Üçüncü Dünya müharibəsinə işarə edib.
Redaktor.az bunu “İzvestiya”ya istinadla xəbər verir.
"Üçüncü Dünya müharibəsi",- Ağ Evin keçmiş sahibi əlavə şərhlər və təfərrüatlar olmadan yazıb.
Qeyd edək ki, Tramp dəfələrlə ABŞ-ın hazırkı hakimiyyət orqanlarının siyasəti nəticəsində genişmiqyaslı hərbi münaqişə riskinə diqqət yetirib.
Xatırladaq ki, aprelin 4-də eyni məsələ kontekstində o, hazırkı prezident Co Baydenin administrasiyası dövründə baş verən və bir fenomen olan nüvə silahından istifadə ilə bağlı açıq təhdidlərə işarə edib.
Həmçinin Tramp martın 13-də qeyd edib ki, 2024-cü ildə yenidən seçildikdən sonra Üçüncü Dünya müharibəsinin qarşısını alacaq. O, bu barədə Ayova ştatında tərəfdarlarının mitinqində çıxışı zamanı bildirib. Onun sözlərinə görə, qlobal münaqişə təhlükəsi realdır.
Yanvarın 29-da Tramp bildirib ki, bəşəriyyət Üçüncü Dünya müharibəsinin astanasındadır və ona hazırkı Amerika Prezidenti Co Bayden rəhbərlik edir.
O, əmindir ki, 2020-ci ildə yenidən seçilsəydi, Rusiya ilə Ukrayna arasında heç bir münaqişə olmayacaqdı.
Arzu İSMAYIL