56 rusiyalı deputata cinayət işi AÇILDI

 19:53 10.04.2023     421

Ukrayna Təhlükəsizlik Xidməti (SBU) Dövlət Dumasının daha 56 deputatına qarşı qiyabi ittiham irəli sürüb və işləri məhkəməyə göndərib.

Redaktor.az xəbər verir ki, bu barədə bazar ertəsi idarənin mətbuat xidməti məlumat yayıb.

"SBU-nun müstəntiqləri rusiyalı deputatlara Ukrayna Cinayət Məcəlləsinin müvafiq "Ukraynanın ərazi bütövlüyü və toxunulmazlığının pozulması" maddəsi ilə  ittiham irəli sürüblər",- xüsusi xidmətin saytında yerləşdirilən məlumatda deyilir.

Məlumata görə, ittiham aktları məhkəməyə göndərilib. Bu maddənin sanksiyasında əmlakı müsadirə olunmaqla 15 il həbs və ya ömürlük azadlıqdan məhrumetmə cəzası nəzərdə tutulur.

Mətbuat xidmətinin təqdim etdiyi siyahıda 56 nəfərin adı var. Onların arasında Dövlət Dumasının Müdafiə Komitəsinin rəhbəri Andrey Kartapolov, Dövlət Dumasının “Ədalətli Rusiya – Həqiqət uğrunda” fraksiyası rəhbərinin birinci müavini Dmitri Qusev, Dumanın İqtisadi siyasət komitəsinin sədr müavini Mixail Delyaqin, Svetlana Jurova, Sürətli konkisürmə üzrə Olimpiya çempionu, Xerson vilayətində Vahid Rusiya regional bölməsinin katibi İqor Kastyukeviç, ikiqat Olimpiya çempionu Vyaçeslav Fetisovun adları qeyd olunub.

Məlumatda vurğulanıb ki, ötən ilin fevralında bu deputatlar Donetsk və Luqansk Xalq Respublikalarının tanınması ilə bağlı Rusiya prezidenti Vladimir Putinə müraciət etmək qərarına dəstək veriblər, sonra isə respublikalarla dostluq, əməkdaşlıq və qarşılıqlı yardım müqavilələrinin ratifikasiyasına səs veriblər.

Yanvarda SBU Dövlət Dumasının sədri Vyaçeslav Volodinə və digər 54 deputata, martda isə daha 41 rusiyalı parlamentariyə qarşı ittihamlar irəli sürüb.

Ötən ilin aprelində Ukrayna Baş Prokurorluğu spiker və Dövlət Dumasının 418 deputatına qarşı ittiham aktını elan edib, onlar fevralın 15-də DXR və LPR-nin tanınması üçün Putinə müraciət etmək qərarına dəstək veriblər.

Tunar Altunbay