Sudanda toqquşmalarda ölənlərin sayı 97 nəfərə çatdı
Sudanda aprelin 15-də ölkə ordu hissələri ilə çevik reaksiya qüvvələrinin (xüsusi təyinatlıların) bölmələri arasında başlayan döyüşlər nəticəsində 100-ə yaxın dinc sakin həlak olub.
Redaktor.az xəbər verir ki, bu barədə Sudan həkimlər birliyinin bazar ertəsi yaydığı bəyanatda deyilir.
"Mülki əhali arasında silahlı toqquşmaların qurbanlarının sayı 97 nəfərə çatıb", - "Agence France Presse" həkimlərə istinadən yazır.
Eyni zamanda, döyüşən tərəflər arasında itkilər barədə hələ də məlumat yoxdur, lakin şahidlər Xartum küçələrində çoxlu hərbi geyimli cəsədlərdən danışırlar.
Bu arada, Sudan paytaxtının sakinləri döyüşlərin yenidən başlayıb. Oxşar xəbərlər Sudanın bir çox başqa şəhərlərindən, xüsusən də böyük hərbi bazanın yerləşdiyi Merowedən gəlir.
"BBC" xəbər verir ki, bir gün əvvəl Keniyanın xarici işlər naziri Alfred Mutua ölkə hökumətinin bütün Keniya vətəndaşlarını - təxminən 3 min nəfəri Sudandan təxliyə etmək niyyətini açıqlayıb.
Hökumətlərarası İnkişaf Təşkilatının (IGAD) aprelin 16-da keçirilən sammitində qərara alınıb ki, Cibuti, Keniya və Cənubi Sudan prezidentləri müharibə edən tərəfləri barışdırmaq üçün tezliklə Sudana getsinlər.
Tunar Altunbay
Bizi Telegram-da izləyin...
