"NATO-ya üzv olan bütün ölkələr Ukraynanın alyansın üzvü olacağı ilə razılaşıblar"
"Ukrayna Prezidenti Vladimir Zelenski alyansın Vilnüsdə keçiriləcək yay sammitinə dəvət olunub. O, sammitdə iştirak edəcək".
Redaktor.az-ın məlumatına görə, bu sözləri NATO-nun Baş katibi Yens Stoltenberq “Ramştayn” formatında görüşdən əvvəl keçirilən brifinqdə deyib.
Onun sözlərinə görə, sammitdə Ukraynaya lazımi həcmdə dəstək təsdiqlənməli, bu ölkənin sovet standartları və doktrinalarından NATO standartları və doktrinalarına keçməsinə kömək edəcək çoxillik proqram qəbul edilməlidir.
Baş katib vurğulayıb ki, NATO-ya üzv olan bütün ölkələr Ukraynanın alyansın üzvü olacağı ilə razılaşıblar. Lakin onun sözlərinə görə, indi diqqət Ukraynanın qələbəsini təmin etməyə yönəlib. Suveren və müstəqil Ukrayna olmadan onun NATO-ya üzvlüyünü müzakirə etməyin mənası yoxdur.
Xatrıladaq ki, NATO-nun yay sammiti iyulun 11-12-də keçiriləcək.
Bizi Telegram-da izləyin...
