Çexiya Rusiya patriarxına qarşı sanksiyalar tətbiq etdi
Çexiya hökuməti Moskva və Bütün Rusiyanın patriarxı Kirillə qarşı sanksiyalar tətbiq edib.
Redaktor.az "aktualne.сz" portalına istinadla xəbər verir ki, o, ölkənin milli sanksiyalar siyahısına daxil edilən ilk rusiyalı olub.
Xarici işlər naziri Yan Lipavski patriarxın sanksiya siyahısına salınmasını şərh edərkən deyib ki, o, öz moizələri və ictimai çıxışları ilə “Rusiyanın Ukraynaya təcavüzünü” əsaslandırıb. Bundan əlavə, nazir Rus Pravoslav Kilsəsinin rəhbərinin artıq Böyük Britaniya, Kanada, Litva və Ukraynanın sanksiya siyahısında olduğunu və Çexiyanın bu ölkələrin qərarlarına arxalandığını xatırladıb.
Çexiya sanksiyaları ölkəyə girişin qadağan edilməsini və hər hansı əmlakın dondurulmasını nəzərdə tutur. Çex Maliyyə Təhlili Təşkilatı tədbirlərin həyata keçirilməsinə cavabdehdir.
Turan İSMAYIL
Bizi Telegram-da izləyin...
