Almaniya hərbçilərini Litvada yerləşdirəcək
Litva və Almaniya Bundesver (Almaniya Silahlı Qüvvələri) briqadasının Baltik Respublikası ərazisində necə yerləşdiriləcəyi ilə bağlı razılığa gə
Redaktor.az xəbər verir ki, bu barədə cümə axşamı Litva prezidentinin mətbuat xidməti Berlində Litva Prezidenti Gitanas Nauseda ilə Almaniya Federal Kansleri Olaf Şolz arasında danışıqların yekunlarına dair yaydığı məlumatda deyilir.
"Biz razılaşdıq ki, briqadanın yerləşdirilməsi prosesi mərhələli olmalıdır. Almaniya briqadanın yerləşdirilməsi üçün infrastrukturun hazırlığından asılı olaraq öz hərbi mövcudluğunu artırmağa sadiqdir",- prezident bəyanatında bildirib.
Nauseda və Şolz NATO-nun Madriddə keçirilən sammiti çərçivəsində Bundesver briqadasının Litvanın təhlükəsizliyinin təmin edilməsində iştirakı haqqında memorandum imzalayıblar.
Briqada Litvaya təyin edilsə də, onun tam köçürülüb-köçürülməyəcəyi hələ dəqiq deyil.
Berlin qeyd edir ki, personalın və texnikanın yarısı Baltik Respublikasında, digər yarısı isə kritik vəziyyətdə on gün ərzində həyata keçiriləcək yerdəyişmə ərəfəsində Almaniyada yerləşdirilə bilər.
Tunar Altunbay
Bizi Telegram-da izləyin...
