ÜST rəhbəri COVID-19-la bağlı fövqəladə vəziyyət rejiminin başa çatdığını ELAN ETDİ
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus, 2020-ci ildən qüvvədə olan COVID-19 üçün qlobal fövqəladə vəziyyətin sona çatdığını elan edib.
Redaktor.az TASS-a istinadla xəbər verir ki, o, bu qərarı bu gün Cenevrədə keçirilən brifinqdə ÜST ekspertlərinin müvafiq tövsiyəsi ilə razılaşaraq açıqlayıb.
"Dünən fövqəladə hallar komitəsi 15-ci iclasını keçirdi və mənə beynəlxalq narahatlıq doğuran ictimai səhiyyə fövqəladə vəziyyətinə (COVID-19 ilə bağlı) son elan etməyimi tövsiyə etdi. Mən bu tövsiyə ilə razılaşdım", - ÜST rəhbəri bildirib. "Böyük ümidlə COVID-19-un sonunu qlobal fövqəladə hal kimi elan edirəm" - Qebreyesus deyib.
Bununla belə, ÜST rəhbəri bildirib ki, koronavirus hələ yoxa çıxmayıb və mutasiyaya davam etdiyi üçün, ölkələr COVID-19-a qarşı ayıq-sayıq olmalıdırlar. "Bu virus qalmaq üçün buradadır. O, hələ də öldürür və hələ də mutasiyaya uğrayır. Xəstəlik və ölüm hallarında yeni sıçrayışlara səbəb olan yeni variantların ortaya çıxması riski var" - o, deyib.
Qebreyesus vurğulayıb ki, koronavirusla əlaqədar qlobal sağlamlıq fövqəladə vəziyyətinə son qoyulması ilə bağlı elan edilmiş qərar “sayıqlığı azaltmaq üçün səbəb” kimi qəbul edilməməlidir.
Turan İSMAYIL
Bizi Telegram-da izləyin...
