G7 ölkələrindən kasıb ölkələrin borc problemləri ilə bağlı bəyanat
Yeddilik Qrupuna (G7) daxil olan dövlətlər mövcud iqtisadi vəziyyətdə aşağı və orta gəlirli ölkələrin borc problemlərinin həllini zəruri hesab edirlər.
Redaktor.az TASS-a istinadla xəbər verir ki, bu barədə şənbə günü Niiqatada keçirilən G7-nin maliyyə nazirləri və mərkəzi bank rəhbərlərinin görüşünün yekunları üzrə qəbul edilmiş birgə bəyanatda deyilir.
"Biz bu ölkələrə qeyri-mütənasib şəkildə təsir edən çoxsaylı iqtisadi sarsıntılar fonunda aşağı və orta gəlirli ölkələrdə borc zəifliyini aradan qaldırmağın təcili ehtiyacını təkrar edirik".
Onların fikrincə, orta gəlirli ölkələrdə yüksək səviyyəli borc problemləri "borcun ödənilməsi rejiminə dair müraciətlərə cavab olaraq bütün rəsmi ikitərəfli kreditorların operativ hərəkətini nəzərdə tutan çoxtərəfli koordinasiya yolu ilə həll edilməlidir".
G7 ölkələri həmçinin vurğulayıblar ki, özəl kreditorlar borcları “borc yükünün ədalətli bölüşdürülməsini təmin etmək üçün əlverişli şərtlərlə” qaytarmalıdırlar. Sənədin müəllifləri “borc məlumatlarının dəqiqliyi və şəffaflığının artırılmasının” vacibliyinə diqqət çəkiblər.
G7 çoxtərəfli inkişaf banklarının işinin təkmilləşdirilməsinin zəruriliyini bir daha təsdiqləyib. Onlar bu təşkilatları "transsərhəd problemləri daha yaxşı həll etmək üçün biznes modellərini nəzərdən keçirmək və dəyişdirmək üçün işləri sürətləndirməyə" çağırıblar.
Turan İSMAYIL
Bizi Telegram-da izləyin...
