Avropa İttifaqı Rusiyadan qaz tədarükünün bərpasını qadağan edəcək
Avropa İttifaqı (Aİ) və “Böyük Yeddilik” (G7) ölkələri Rusiyaya qarşı növbəti sanksiyalar paketi çərçivəsində rəsmi Moskvanın əvvəllər tədarükünü azaltdığı marşrutlar üzrə boru kəməri qazının idxalına qadağa qoymaq niyyətindədir.
Redaktor.az-ın məlumatına görə, bu barədə “Financial Times” qəzeti G7 liderlərinin bəyanat layihəsinə istinadən xəbər verib.
Məlumata görə, G-7 liderlərinin Xirosima sammitində qəbul edəcəkləri qərar Rusiyadan Polşa və Almaniyaya boru kəməri qazının ixracının bərpasının qarşısını almalıdır.
Qeyd edək ki, Rusiyanın bu istiqamətlərə qaz tədarükü faktiki olaraq 2022-ci ildə kəsilib.
Bizi Telegram-da izləyin...
