Hindistan və ABŞ birgə reaktiv mühərriklər istehsal edəcək
Hindistan və ABŞ Kritik və İnkişaf etməkdə olan Texnologiyalar Təşəbbüsü (iCET) çərçivəsində reaktiv mühərriklərin, uzun mənzilli artilleriya və piyada maşınlarının birgə istehsalı barədə razılığa gəlməyə qərar verib.
Redaktor.az xəbər verir ki, bu barədə “The Hindu” məlumat verib.
Məlumata görə, Yeni Dehli və Vaşinqton artıq müdafiə nazirlikləri səviyyəsində ölkələr arasında böyük müdafiə tərəfdaşlığının yaradılmasını müzakirə ediblər. Müdafiə sənayesi sahəsində əməkdaşlığın genişləndirilməsi yollarına və vasitələrinə, o cümlədən texnoloji tərəfdaşlıqlara, uzunmüddətli tədqiqat və təkmilləşdirmələrə və təchizat zəncirinin təhlükəsizliyinin təkmilləşdirilməsinə əhəmiyyətli diqqət yetirilib.
Razılaşmanın bir hissəsi kimi Hindistanın General Electric (GE) şirkəti Hindistanda Yüngül Döyüş Təyyarəsi (LCA)-MK2-də quraşdırmaq üçün artıq seçilmiş GE-414 mühərrikinin Hindistanda istehsalı üçün lisenziya almaq üçün müraciət etmək niyyətindədir.
ABŞ-Hindistan Strateji Tərəfdaşlıq Forumunun (USISPF) prezidenti və baş icraçı direktoru Mukeş Ağa bildirib ki, ərizə təsdiq olunarsa, Hindistan dünyada təyyarələr üçün reaktiv mühərriklər istehsal edən beşinci ölkə olacaq.
Həmidə İBRAHİMLİ
Bizi Telegram-da izləyin...
