İspaniya özünün 10 "Leopard" tankından altısını Ukraynaya verdi
İspaniya ukraynalı pilotlara F-16 qırıcıları ilə işləmək üçün təlim keçə bilməyəcək.
Redaktor.az UNİAN-a isatinadla xəbər verir ki, bunu İspaniyanın müdafiə naziri Marqarita Robles bildirib.
"Ukrayna üçün mövcudluğumuz çərçivəsində mütləq və tam dəstək veririk. Qırıcılar məsələsində biz digər ölkələrlə həmrəyik, lakin konkret olaraq İspaniyanın F-16-ları yoxdur" - nazir deyib.
O qeyd edib ki, ölkə Ukraynaya böyük dəstək nümayiş etdirir və artıq 10 “Leopard” tankından 6-sını təhvil verib, həmçinin Ukrayna Silahlı Qüvvələrinə (USQ) silah ötürür və hərbi həkimlər hazırlayır.
Xatırladaq ki, Ukrayna uzun müddətdir ki, müasir F-16 qırıcılarının tədarükündən imtina edib. Bu ay ABŞ Prezidenti Co Bayden belə təyyarələrdə USQ pilotlarının hazırlanmasına başlamaq istədiklərini bildirib.
Amerika prezidentinin sözlərinə görə, Ukrayna lideri Volodimir Zelenski bu qırıcıların Rusiya Federasiyası ərazisində istifadə olunmayacağına söz verib.
F-16 qırıcılarının Ukraynaya təhvil verilməsinə ABŞ-la yanaşı, Böyük Britaniya, Hollandiya, Danimarka və Belçika da dəstək verir. Həmçinin NATO Parlament Assambleyası təyyarələrin Ukrayna Silahlı Qüvvələrinə sürətlə təhvil verilməsindən danışıb.
Avropa Komissiyasının vitse-prezidenti Josep Borrell bildirib ki, artıq bir sıra ölkələrdə F-16 ilə bağlı təlimlər başlayıb.
Həmidə İBRAHİMLİ
Bizi Telegram-da izləyin...
