Sarqsyanın mühafizə xidmətinin rəisi həbs edildi

 11:31 29.05.2023     507

Ermənistanın keçmiş prezidenti Serj Sarqsyanın sabiq mühafizə xidmətinin rəisi Vaçaqan Kazaryan həbs edilib.

Redaktor.az xəbər verir ki, bu barədə “Aysor” məlumat yayıb.

Bildirilib ki, ona qarşı irəli sürülən ittiham hələ məlum deyil.

Qeyd edək ki, Vaçaqan Kazaryan 5 il öncə iyunun 25-də bankdan çıxarkən saxlanılıb. Onun əlindəki çemodandan 120 000 dollar və 436 000 000 dram tapılıb.

Eləcə də həmin zaman Vaçaqan Kazaryanın evində də axtarış aparılıb və 1 750 000 dollar aşkarlanıb.