F-16-lar ballistik raketləri vura bilər?
F-16 qırıcıları ballistik raketlərlə döyüşə bilməz, bunun üçün başqa silahlar lazımdır.
Redaktor.az UNİAN-a istinadla xəbər verir ki, bunu Ukrayna Silahlı Qüvvələrinin Hərbi Hava Qüvvələri komandanlığının sözçüsü Yuri İqnat bildirib.
"F-16, təəssüf ki, ballistika ilə məşğul ola bilmir. Bu, bir təyyarədir, hava hücumundan müdafiə sisteminin bir hissəsidir, lakin onun üçün aerodinamik hədəflər mövcuddur: qanadlı raketlər və pilotsuz təyyarələr" - o, deyib.
Hərbçi qeyd edib ki, ballistikaya qarşı onu vura biləcək vasitələr lazımdır: bunlar Patriot və SAMP-T hava hücumundan müdafiə sistemləridir.
Xatırladaq ki, ABŞ və müttəfiqləri uzun müzakirələrdən sonra nəhayət Ukraynaya hərbi aviasiya, xüsusən də F-16 qırıcıları vermək qərarına gəliblər.
Ukraynalı pilotların dördüncü nəsil Qərb istehsalı olan təyyarələrdə təlimi yaxın həftələrdə başlayacaq. Mənbələr, Hollandiyanın pilot təlimindən sonra ABŞ-ın F-16 qırıcılarını Ukraynaya göndərəcəyini bildirib.
Turan İSMAYIL
Bizi Telegram-da izləyin...
