Pentaqon Ukrayna üçün "Gepard" qurğuları alacaq

 16:31 01.06.2023     306

Pentaqon Amerikanın “Global Military Products” müdafiə şirkəti ilə Ukraynaya “Gepard” özüyeriyən zenit silahlarının alınması və tədarükü üçün müqavilə imzalayıb. Müqavilənin məbləği 118 milyon dollardan çoxdur.

Redaktor.az RBC-Ukrayna-ya istinadla xəbər verir ki, bu barədə ABŞ Müdafiə Nazirliyinin saytında məlumat paylaşılıb.

"Global Military Products Inc.*, Florida, "Gepard" 35 mm hava hücumundan müdafiə sistemlərinin alınması və tədarükü üçün 118,375,740 ABŞ dolları dəyərində sabit qiymətli müqavilə imzalayıb.

Müqavilənin İordaniyada icrası planlaşdırılır və "2010-cu maliyyə ilində Xarici Hərbi Satış (Ukrayna Təhlükəsizliyə Yardım Təşəbbüsü) Fondları" hesabına maliyyələşdirilib.

"Gepard" qurğularının Ukraynaya çatdırılma tarixi 2024-cü il mayın 30-a təyin edilib.

Xatırladaq ki, mayın 31-də ABŞ Ukraynaya növbəti hərbi yardım paketini açıqlayıb. Onun dəyəri 300 milyon dollar qiymətləndirilir. Bu paketdə Ukrayna "Patriot" hava hücumundan müdafiə sistemləri, AIM-7 raketləri, "Stinger" hava hücumundan müdafiə sistemləri, "Avenger" hava hücumundan müdafiə sistemləri və s. üçün əlavə sursat ala biləcək.

Qeyd edək ki, "Gepard" 1970-ci illərin ortalarından etibarən Krauss-Maffei tərəfindən istehsal olunan alman özüyeriyən zenit silahıdır.

Turan İSMAYIL