Putin gündə neçə saat yatdığını AÇIQLADI
Rusiya Prezidenti Vladimir Putin deyib ki, onun iş qrafiki ona gecədə təxminən altı saat yatmağa imkan verir, baxmayaraq ki, dünən gecə bu, "çox az" olub.
Redaktor.az TASS-a istinadla xəbər verir ki, o, bu barədə Uşaqların Müdafiəsi Günündə çoxuşaqlı ailələrlə videobağlantı vasitəsilə danışarkən deyib.
Arxangelsk vilayətindən olan İlyin ailəsinin üzvlərindən biri prezidentin iş qrafiki və yatmağa vaxt tapıb-tapmadığını soruşub. “Əlbəttə, mən də bütün insanlar kimi yatıram”, - Putin gülümsəyib. "Mən bir az, yəqin ki, 6-7 saat, əsasən 6 saat yatıram. Amma bu gün daha az yatmışam. Bu baş verib", - prezident etiraf edib.
Putin iş qrafikinin təfərrüatlarını açıqlamayıb, onun “kifayət qədər monoton” olduğunu qeyd edib. Bununla belə, Putin fiziki fəaliyyətin zəruriliyinə diqqət çəkib. “Bəzi insanlardan fərqli olaraq idmandan əl çəkməməyə çalışıram, bu, işimə kömək edir" - Rusiya lideri bildirib.
Turan İSMAYIL
Bizi Telegram-da izləyin...
